ما هو تقييمك لفورد فوكاس 2013؟
عرض للطباعة
ما هو تقييمك لفورد فوكاس 2013؟
10 \ 10 بكل تأكيد بس للأسف كل الناس بتصرف نظر عن العربية دي وظلماها كتير وبتبدي عليها عربيات ولا تستاهل مع انهم مجربوش الفواكس
العربية متميزة جداً في الهاندلينج والهدوء على السرعات العالية والراحة على الطرق الطويلة والسفر وثباتها يكتسح كل عربيات الفئة السعرية
ويتفوق على الفلوينس - الاسترا - الاوكتافيا الجديدة والكلام دا عن تجارب خبراء العالم من Carbuyer و Whatcat و Which
وموضوع استهلاك البنزين الزائد اللي كان موجود في موديل 2012 اتحل في الموديلات الجديدة
بجد عربية تستحق الاحترام والتجربة
- على فكرة العربية تتفوق على الجولف 7 والجيتا في الهاندلينج ومحدش حيصدق إلا لما يجرب بنفسه وانا افضلها عن كل دا
ولعلمك اقتصادية عن الكوري الجديد
- نصيحة لو محتار بينها وبين اي عربية اقل من الـ300 يبقى الفوكاس احسن
بس يستحسن تجيبها التيتانيوم اللي هي اعلى فئة فيها اوبشنز كتير
هي اربع فئات والفرق بين اعلى فئة واللي قبلها هو فتحة سقف وبلوتوث فقط
بس الحاجات دي مهمة بالنسبالي
أنا لسه جيبها بجد عربية فوق فوق الممتازة وكنت بقارن بنها وبين كل العربيات اللي في حدوود 190 ألف هي عربية رهيبة وتحس إنها بي إم في قعدتها وألماني بالكامل ، كل خبراء العالم علي جميع المواقع بيقولوا عنها عربية هايله ودي الحقيقة
فعلاً عندك حق انا مش بنحاذ للعربية لإنها مش معايا اصلاً بس انا جربتها بعد ما جربت كل عربيات الفئة السعرية
وبجد تستحق كل تقدير واحترام ... احلا حاجة في العربية دي هو الهاندلينج الاكتر من ممتاز يعني من الآخر عربية ميتزهقش من قعدتها ابداً
ياريت الناس تدي للعربية فرصة ويجربوها ويصرفو نظر شوية عن الالنترا والسيفيك والفلوينس ويجربو الفوكاس مش حيغيروها
واي حد عايز حاجة في الميزانية مش حيبعد عنها حتى لو اول فئة الفاضية بس بجد ركوبة ولا اي ركوبة
وانا معايا جيتا 2008 وانا ركبت الفوكاس 2012 واقدر اقولك ان الفوكاس تهزم بجد
بس اللي مزعلني ان الفوكاس برا مصر موجودة بزر إدارة وايقاف المحرك وكمان خاصية الركن التلقائي
معندناش احنا الميزتين المهمين دول للأسف :(
السلام عليكم على جميع ملاك فورد
انا عايش في السعودية وتوكيل فورد في السعودية من احلى واجمل التوكيلات وعاوز اشتري فورد
فيا ترى يوجد في مصر فورد فيوجن اتوماتيك
واخبار توكيل فورد في مصر عامل ايه من حيث الجدية والجودة والحرفية في التعامل ويا ترى السيارة منتشرة في مصر ولا لأ ؟
مع الشكر لكل من يحاول مساعدتي ولكن برجاء الرد عاجلاً لأني بالفعل ناوي اشتريها
ولو معاك في حدود 190 ألف جنية كاش تشتري بيهم ايه
وشكراً للجميع
هيا فعلن العربية دى مظلومة يعنى لو فى حد بيقارن بين الفورد فوكاس و الاوبل أسترا بصراحة الفورد تكسب فى الموتور و فى الشكل و الثبات خيالي
هل يوجد فورد فيوجن في مصر ولا بس فورد فوكاس
انا عاوز اشتري فورد فيوجن من السعودية 1600 سي سي هاي لاين عربية ولا اجمل من كدة
الموجود بس فى مصر فورد فوكاس و فورد فيستا
ايه رأيكم في فورد فوكس 2013
وايه رأيكم في التوكيل وقطع الغيار وانا من سكان القاهرة
برجاء الرد عاجلاً لو سمحتم من خبراء الفورد مع العلم أن فورد انا ناوي اشتريها من السعودية وهى تصنيع الماني
مع الشكر للجميع
هيا العربيا ممتازة و safety جدًا فيها 6 AIRBAG و فرامل ABS و EBD و ESC و العربية وخدة تصنيف الخمس نجوم فى التصادم من EURO NCAP / علفكرا انا عربيتى جيبها من السعودية جبتها Ambinte
عفواً أخي الكريم عربية حضرتك برضة فورد من السعودية وربنا يباركلك فيها ان شاء الله
واخبار التوكيل ايه واخبار قطع الغيار والصيانة
ويا ترى في أي حد ممكن يصلح الفورد فوكس في القاهرة غير التوكيل
ومع فائق تحياتي واحترامي وشكراً على حُسن وسرعة الرد
اسعار قطع الغيار:
فانوس خلفي 732 جنيه
فانوس امامي 1058جنيه
طقم تيل فرامل خلفي 550 جنيه
طقم تيل فرامل امامي 594 جنيه
طنبورة فرامل امامية 465 جنيه
طنبورة فرامل خلفية 410 جنيه
زجاج امامي 1911 جنيه
مساعد امامي / مساعد خلفي 950 جنيه
فلتر زيت 37 جنيه
فلتر هواء 96 جنيه
فلتر بنزين 125 جنيه
فلتر تكييف 159 جنيه
بوجيه 22 جنيه
سير كاتينة 625 جنيه
طقم سير ادارة 510 جنيه
حساس ركن 324.25 جنيه
ايريال 115.25 جنيه
بالنسبة للتوكيل و الصيانة فهما ممتازة
بصراحة اسعار ممتازة
اللي غالي بس
مساعد خلفي
طقم سير إدارة
حساس ركن
الباقي كله اسعاره كويسة جدا
بصراحة الفورد ممتازة جدا انا معايا فورد كا ،، وبصراحة لم أجرب الفوكاس .
شكراً جزيلاً أخي العزيز الفاضل المحترم على حُسن وسرعة تعاونك معي
فهذه أخلاق وشهامه المصريين بجد بتوع التحرير وليس بتوع رابعة
ولكن فعلاً التوكيل بياخد 1.5% من قيمة السيارة المشتراه من السعودية علشان يدخلها في الضمان تاني
مع اطيب امنياتي لحضرتك
لو من 10, أنا اديها 8 من 10. العربية معايا من 2012 و جبتها أول منزلت, بس جبت الفئة التانية.
ميزات العربية:
1- ثابتة على الطرق السريعة.
2- مريحة في المسافات الطويلة.
3- الهاندلينج بتاعها ممتاز و أحسن كمان من الجيتا و الاوكتفيا و عن تجربة.
4- صوت السماعات فيها نقي جدا.
5- انورها هادية جدا و شيك بليل.
عيوب العربية:
1- الجير الجديد اللي طورته فورد "Dual Clutch" محتاج لسة تظبيط كتير أكيد في الموديلات الحديثة 2013 و 2014 اشتغلوا عليها. في تردد في نقل الجير من الأول للتاني كده بتاع ثانية أو ثانيتين و بتحس برجة خفيفة لو ماشي على سرعة بطيئة بين الجير الأول و التاني بسبب تردد الجير يفضل في الأول ولا ينقل للتاني.
2- صوتها عالي لما بتجري. و لكن ده طبيعي في العربيات الامريكان مع إنها معمولة في ألمانيا, لكن الماركة تحكم برضو. زي مابيقولوا "American Muscle" و كده.
3- التوكيل حرامي في قطع الغيار.
4- التوكيل حرامي حتى في الكماليات بتاعة العربية, يعني الفئة التانية بتاعتي تقريبا مفيهاش أي كماليات غير السنسور اللي ورا. غير كده الكماليات كلها موجودة في أعلى فئة اللي هي معدية ال 200 ألف جنيه دلوقتي. الفئة التانية بره مصر بتنزل بـ فوج لايت و تكييف اوتوماتيك و 6 سماعات بدل من 4. يعني لو بتحب الكماليات أكتر يبقى تخليك في السيراتو الشكل الجديد 2013/2014 "عربية تحفة و أحسن كتير من الشكل القديم و كمالياتها محترمة في سعر و معقول بـأمانة لو كانت نزلت في 2012 كنت جبتها بدون تردد بدل الفوكس.
5- مساحتها, بالرغم إنها في نفس حجم الالانترا و السيراتو لكن التابلو واخد مساحة كبيرة جدا من العربية و مقصر في حق المساحة اللي ورا اوي, الالانترا و السيراتو اوسع كتير.
أتمنى أكون افدتكم :)
ما هى مواصفات اعلى فئة
وهل الesp موجود فعلا فى اعلى فئة فقط
ارجو الرد للاهمية
العربية ممتازة بس فيها مشكلتين بالنسبة لي
١- ضيقة شوية
٢- فيها نتشة في الفتيس خفيفة ( ده مش عيب في الفتيس......هو طريقة عمله كده)
الأخ اللي بيسأل عن الفيوجن........العربية مش موجودة في مصر نهائي و اعتقد انها بتنزل ٢٤٠٠ سي سي او ٢٢٠٠ بس في الخليج
بالنسبة ل ٢٠١٣ أعلى فئة فقط اللي فيها ESP على حد علمي و دي معلومة سهل التأكد منها
مواصفات السيارة أعلى فئة:
زجاج كهربائي و فتحة سقف يفتح و يغلق بلمسة واحدة
تكييف تاتش مزدوج لجانبي السيارة
نظام صوتي من ٤ سماعات و ٢ تويتر مع ١ CD و مدخل AUC و USB و Blue tooth Media و توصيل blue tooth للموبال مزود ب Ford Sync
سنسور بارك خلفي
مرايا جانبية كهربائية قابلة للطي مع الفتح و القفل
مراية داخلية بسنسور تعتيم
فرامل ABS
نظام ESP
جنوط سبور ١٦
سنسور مارش بلمسة واحدة
زجاج خافي و جانبي خلفي فاميه
فوانيس أمامية غامقة مع امكانية تغيير زاوية الإضائة و لايت سنسور
فوجات أمامية و خلفية
نظام التعشيق الأوتوماتيكي على المطالع و المنازل
٢ ريموت مع إمكانية فتح و غلق الزجاج كله و الشنطة
اضائة داخلية ثلاثية مع اضائة للشنطة و درج التابلوه و ليدات داخلية
الموتور ١٦٠٠ ١٢٥ حصان أدائه جيد جدا و العربية بشكل عام ممتازة بس استني أما نشوف الوكيل الجديد نظامه ايه أنا رايح صيانة ال٢٠ كمان كام يوم و هبقي أرجع أحكيلكوا ان شاء الله